விஸ்வரூபம்: முஸ்லிம்களின் மனநிலை என்ன?

அஸ்ஸலாமு அலைக்கும் அன்பின் சகோதர சகோதரிகளே!

பிழையான எண்ணம் கொண்டு இஸ்லாத்தையும், முஸ்லிம்களையும் தவறாக சித்தரிக்கும் கமல்ஹாசன் மனம் திருந்த மனதார பிரார்த்திக்கிறோம்.

விஸ்வரூபம் எடுத்திருக்கும் நடிகர் கமல்ஹாசனின் திரைப்பட வெளியீடு தொடர்பான பிரச்சனை, அடிப்படையில் முஸ்லிம்களின் எதிர்ப்பை பின்னனியாகக் கொண்டு இன்றைய நாளைக் கடந்தவண்ணம் இருக்கிறது. 

இந்த பிரச்சனை இப்போது எந்த அளவில் பேசப்படுகிறது? அல்லது பேசப்பட வைக்கப்படுகிறது என பார்த்தால்? இந்தப் படம் கொண்டிருக்கும் கருத்துக்களையோ, அல்லது அது உண்டாக்கவிருக்கும் தாக்கம் குறித்தோ சிறிதாகவோ அல்லது பெரிதாகவோ யாரும் பேசத் தயாராக இல்லை. இதை எதிர்த்து நிற்கும் முஸ்லிம்களை, அவர்களது எதிர்ப்பு கோஷங்களை, போராட்டங்களை மட்டுமே முன்னிருத்தி இந்த விசயம் பார்க்கப்படுகிற்து.

ஏன் இந்த போராட்டம்? எதற்கு இத்தனை கண்டனங்கள், ஆர்ப்பாட்டங்கள், இதன் பின்னனியாக முஸ்லிம்கள் எதைக் கையில் கொண்டிருக்கிறார்கள் என்பது குறித்தும் விரிவாக இல்லாவிடினும் குறைவாகவாவது அலசிப்பார்க்கவேண்டியது அவசியம்.

ஒரு பிரச்சனையை அணுகும் போது இருதரப்பு வாதங்களையும் கணக்கில் கொண்டு பார்வையை அதன்மீது சீராக்குவதே குறைந்த பட்ச நியாயமாக இருக்கும்.

முதல் தரப்பாக கமல்ஹாசன் குறித்து அதிகமாகவே விவாதிக்கப்பட்டிருக்கிறது. பெரும் பொருட்செலவு, பெரிய முயற்சி, புதிய தொழில் நுட்பம், என பல காரணிகள் அவரது தரப்பில் நியாயங்களாக முன்வைக்கப்படுகிறது.

இரண்டாவது தரப்பான முஸ்லிம்களின் நிலையை பார்வைக்கு கொண்டுவரும்முன்,  மையப்பொருளான சினிமா என்ற ஒன்று எப்படிப்பட்டது என்பதை அறிந்து கொள்வது, அல்லது ஒரு கனம் மனதில் இறுத்திக்கொள்வது, பிரச்சனையின் தீவிரத்திற்கான காரணத்தை அறிந்திட உதவும்.

சினிமா: இது  ஊடகங்களுக்கெல்லாம் தலை. ஒரு செய்தியை உச்சபட்சமாக  மக்கள் மத்தியில் எத்தனை தூரம் எடுத்துச்செல்ல முடியுமோ அந்த எல்லையை தொட்டு, ஒரு கருத்தை மனதில் பதியவைக்கும் காத்திரமான கருவி. 

இதன் வீரியம் அலாதியானது. சாதாரணமான ஒரு நிகழ்வை தக்க கோணத்தில் காட்சிப்படுத்தி, அதற்கு பின்னனியில் பொருத்தமான வசனம், இசையுடன் கூடிய நிகழ்வாக உருவகப்படுத்தி அசாதாரணமாக்கும் வல்லமை பொருந்தியது. அப்படிப்பட்ட காட்சி ஊடகத்தில் உருவாகும் ஒரு கருத்து, மக்களை சென்றடைந்தால், அது சரியோ, தவறோ, அதன் பொருண்மை வீரியம் இழப்பதற்கு காலங்கள் ஆகும்..

என்ன இப்டி சொல்ரீங்க இந்தக்காலத்துல யாரு சினிமா பாத்து விசயத்த மனசுல வாங்கிறா.. இது வெறும் பொழுதுபோக்கு ஊடகம். எந்திர வாழ்க்கைல சில மணிநேரம் மனஓய்வுக்கான கருவி அவ்ளோதான். அப்டி சொன்னீங்கன்னா... உண்மைதான்..

இந்தகாலம் இல்ல, எந்தக்காலத்துலையும் யாரும் சினிமாவை பார்த்து நடைமுறை வாழ்க்கையை வடிவமைப்பதில்லை. ஆனால் அதன் தாக்கம் எதார்த்த வாழ்வின் ஒவ்வொரு ஃப்ரேமிலும் அச்சுப்பிசகாமல் பிரதிபலிக்கிறது என்பது மறுக்கவியலாத உண்மை.

சரி! அப்படிப்பட்ட சினிமாவிற்கு சமூகத்தில் எத்தகைய பொருப்புகள் உண்டு.அது  தன் பொருப்புணர்ந்து செயல்படுதான்னு கேட்ட? மறுப்பதற்கு இல்லை என்பதைக் காட்டிலும் ஆழமான வார்த்தை எனக்கு கிடைக்கவில்லை என்றே சொல்வேன். 

சினிமா ஒவ்வொரு காலகட்டத்திலும் மக்களின் மனதில் அசாதராண விசயங்களை பதிந்து பதிந்து, அதுகுறித்த தாக்கத்தை மழுங்கச்செய்வதை ஒரு கனம் யோசித்தால் உணர்ந்து கொள்ள முடியும்.

முன்னொரு காலத்தில் அரைகுறை ஆடைகளும், ஆபாசசினிமாக்களும் கடும் எதிர்ப்புக்குள்ளாகின... பொதுவாக சமூக ஆர்வலர்கள் எதிர்ப்பை முன்வைத்தாலும், குறிப்பாக பெண்களின் போராட்டம் பேசப்படும்படியாக இருந்திருக்கிறது.

இன்று? அப்படியான எண்ணம் ஆபாசம் அரைகுறை ஆடைகளுக்கு எதிரான சிந்தனை மொத்தமாக மழுங்கிப்போய் இருப்பதை உணர முடியும்.

இதுபோன்று வன்முறையையும் சொல்லலாம்.. முன்பு வன்முறையும், கொலை போன்ற பாதகங்களும் தீயவர்களுக்கே உரித்தான ஒன்றாக சினிமா படம்பிடித்தது. இப்போது ஆன்டி ஹீரோ எனும் கதாப்பாத்திரத்தின் மூலம் கொலைகளையும்,வன்முறைகளையும், அடிதடிகளையும் சர்வசாதாரண ஒன்றாக்கிவிட்டது. நிதர்சனத்தில் இன்றைய பிள்ளைகளிடம் இதன் விளைவைக் காணமுடியும்.

இப்படி தாக்கத்தை உண்டாக்கும் சினிமா, முஸ்லிம்கள் குறித்து என்னமாதிரியாக கருத்தை பதிவு செய்தது? செய்கிறது? என்பது மற்ற சமூகத்தாருக்கு ஒரு பொருட்டாக இல்லாவிட்டாலும் சம்பந்தப்பட்ட சமூகத்தினர் அதை கவனத்தில் கொள்வதை தவிர்க்க இயலாது.

இந்த கவனஈர்ப்பு பொதுவாக எல்லா சமூகத்தாருக்கும் பொருந்தும். தன் சமூகம் குறித்து என்னமாதிரியான கருத்துருவாக்கம் வைக்கப்படுகிறது என்பதை எல்லா சமூகத்தினரும் கவனித்தே வருகின்றனர்.

பிராமணர்களை கேலிக்குள்ளாக்கும் படம் அவர்களை காயப்படுத்தாமல் இருப்பதில்லை. ஆனால் அதை பார்க்கும் மற்றவர்களுக்கோ அது வெற்று கிண்டலாகவும், மிகப்பெரிய நகைச்சுவையாகவும் இருப்பதை பார்க்கமுடியும். 

முஸ்லிம்களை இந்த சினிமா உலகு எவ்வாறு புரிந்துவைத்திருக்கிறது. மிகச்சமீபகாலம் வரை அட்டைக்குல்லாவுடன், அருவருப்பான தமிழ் பேசும் மூன்றாம்தர மக்களாகவே புரிந்து காட்சிப்படுத்தி வந்தது.

இந்த 20 ஆண்டுகளில் முஸ்லிம்களின் முகவரி உலக அளவில் என்பதைக்காட்டிலும், குறிப்பாக இந்திய அளவில் மிகப்பெரிய மாற்றத்தைக் கண்டிருக்கிறது. இந்த இடைப்பட்ட காலத்தில் தீவிரவாதம் என்ற ஒன்று முஸ்லிம்களுக்கு அடைமொழியாகவே மாறிவரும் அவலநிலைக்கு ஆளாக்கப்பட்டிருக்கிறார்கள்.

இன்றைய மதஅரசியலும், ஊடகங்களும், முஸ்லிம்களை தீவிரவாதம் என்ற நிறக்கண்ணாடி இன்றி முன்னிருத்துவதே இல்லை. 

இதன் நீட்சியாக முழுக்க முழுக்க இஸ்லாத்தையும் முஸ்லிம்களையும் தீவிரவாத சக்திகளாக சித்தரித்து முழுநீள திரைப்படம் அதிக பொருட்செலவில் அழகிய பேனரில் வெளிவருவது இஸ்லாமியர்களுக்கு என்ன இனிப்பான செய்தியா?

இந்த கருத்துப் பதிவு மக்களை சென்றடைந்தபின், தயாரித்தவருக்கு லாபம் கிடைக்கிறது. பார்ப்பவர்களுக்கு, பொழுதுபோக்கும், கூடவே காட்சிப்படுத்தப்பட்டவர்கள் குறித்து ஒரு மனத்தோற்றம் உண்டாகிறது. 

காட்சிப்படுத்தப்பட்ட சமூக மக்களுக்கு? அந்த மனத்தோற்றத்தின் விளைவல்லவா பரிசாகிறது? 

இதை குறித்து யார் சிந்திப்பது? எடுப்பவர்களோ, பார்ப்பவர்களோ சிந்திக்க கடமைப்பட்டவர்களாக இருக்கமுடியாது. அதன் பாதிப்பை உள்வாங்கும் சமூகம், உள்வாங்கிக் கொண்டிருக்கும் சமூகம் மட்டுமே சிந்திக்க கடமைப்பட்டிருக்கிறது.

இன்றை இந்தப் போராட்டமும் இந்தச் சிந்தனையின் விளைவே! இந்த போராட்டம் இரண்டு முக்கிய காரணிகளை மையமாகக் கொண்டு சுழல்கிறது. ஒன்று இஸ்லாம் இன்னொன்று முஸ்லிம்கள்.

அதென்ன இஸ்லாம் முஸ்லிம்கள்? என்றால் இப்படி பிரித்தறிவிக்க போதிய காரணங்கள் உண்டு.

முதலில் இந்த திரைப்படம் இஸ்லாமிய கொள்கைகளை தீவிரவாதத்திற்கு ஆதரவான ஒன்றாக புனைகிறது. இஸ்லாத்திற்கு எதிராக உலக அளவில் முன்னெடுக்கப்பட்டுவரும் சதிகளின் நீட்சியாக இதைப் பார்க்கலாம், அல்லது இஸ்லாம் என்ற ஒன்றை சரியாக புரிந்துகொள்ளாததன் வெளிப்பாடு எனக்கொள்ளலாம்.

ஆக எதுவாயினும், பெரும்பான்மையோ சிறுபான்மையோ பரவலாக மக்கள் மத்தியில் பின்பற்றப்படும் ஒரு நெறியை, ஒரு மார்க்கத்தை தவறாக சித்தரிப்பது ஏற்றுக்கொள்ள முடியாத ஒன்று. மற்ற கொள்கைகளை பின்பற்றும் மக்கள் அதை எப்படி அணுகுகிறார்கள் என்பதில் பல்வேறு படித்தரங்கள் இருக்கலாம். ஆனால் எந்த மக்களைக்காட்டிலும் முஸ்லிம்கள் தாங்கள் சார்ந்திருக்கும் மார்க்கத்திற்கு அதன் கொள்கைக்கும் தனிச்சிறப்புமிக்க உண்ணதமான தரத்தைக்கொடுக்கிறார்கள். இதை வெறுமனே கொள்கை என்ற அளவில் பார்ப்பதைக்காட்டிலும் தங்களைப் படைத்த இறைவன், தங்கள் வாழ்வை நெறிசெய்து கொள்ள கொடுத்திருக்கும் ஒப்பற்ற வழிமுறையாக பார்ப்பதை பலரும் அறீந்திருப்பர். அப்படியான கொள்ளை எதிர்மறை கருத்துத்தோய்ந்து மக்களுக்கு காட்டப்படும் போது அதை பார்த்துக்கொண்டிருப்பது சாத்தியமில்லாத ஒன்று.

அடுத்தது முஸ்லிம்கள். முஸ்லிம்கள் என இஸ்லாத்தை பின்பற்றும் மக்களை இஸ்லாத்தில் இருந்து இந்த இடத்தில் தனிப்பட்டு பேசக்காரணம் உண்டு. இஸ்லாம் தோன்றிய இத்தனை காலத்தில் இஸ்லாத்திற்கு எதிரான கருத்துருவாக்கம் இல்லாமல் இல்லை. எந்த மதத்திற்கும் இல்லாத அளவில் எல்லா காலத்திலும் இஸ்லாத்திற்கு எதிராக விமர்சனங்கள் இருந்தே வந்திருக்கிறது. அது சமகாலங்களில் சரியாக எதிர்கொள்ளப்பட்டும் வந்திருக்கிறது. அதுவே இன்றளவும் இஸ்லாம் புதுப்பொழிவுடன் இருக்க காரணமும் கூட..

ஆனால் இஸ்லாத்திற்கு எதிரான கருத்துக்கள் இஸ்லாத்தையோ, முஸ்லிம்களை பெரிய அளவில் பாதித்ததில்லை. ஆனால் இன்றைய முஸ்லிம்களில் நிலை அவ்வாறில்லை. 

முஸ்லிம்களை சமூகத்தில் இருந்து திட்டமிட்டு அப்புறப்படுத்தும் பணி நூற்றாண்டுத் திட்டங்களாக, இந்தியத்திருநாட்டில் நடைபெற்றுவருகிறது. அதன் முதல் இரண்டாவது கட்டங்களாகவே இன்றைய காலம் இருந்துவருகிறது.முழுக்க முழுக்க முஸ்லிம்களை மற்ற சமூக மக்களிடம் இருந்து தனிமைப்ப்படுத்துவதும், மக்கள் மத்தியில் முஸ்லிம்கள் குறித்து விகல்ப்ப எண்ணங்களை விதைத்து வெறுப்புணர்வை உண்டாக்கி அதன்மூலம் முஸ்லிம்களை வேரருக்க ஒரு கூட்டம் எப்போதும் தயாராக இருக்கும் ஆபத்தான காலகட்டத்தை முஸ்லிம்கள் எதிர்நோக்கி இருப்பதே இன்றைய முஸ்லிம்களுக்கான பெரும் பிரச்சனை.

இத்தகைய காலகட்டத்தில் இப்படியான படம் எரியும் நெருப்பில் எண்ணையை ஊற்றிய கதையாகிவிடாமல் இருக்கவே இந்த மாபெரும் எதிர்ப்பும் கண்டனங்களும் போராட்டங்களும்...

இந்த போராட்டங்களை மேலோட்டமாக பார்த்து முஸ்லிம்கள் என்றாலே வெறும் போராட்டக்காரர்கள் தானா என எண்ணம் கொள்ளாமல் அவர்களது மனநிலையையும் புரிந்து  அவர்களுக்கு ஆதரவுக்கரம் நீட்டுங்கள் சகோதரர்களே!

சரியான காரணம் இன்றி இப்படியான போராட்டங்களை முஸ்லிம்கள் கையில் எடுக்க மாட்டார்கள். மாற்றுமத சகோதரர்கள், கமல்ஹாசனை பெரும் கலைஞனாக பார்க்கக்கூடியவர்கள், பெரும் முயற்சிக்கு முஸ்லிம்கள் முட்டுக்கட்டையாக இருப்பதாக எண்ணி வேற்றுமை கொள்ளவேண்டாம்.

எந்தக்காரணம் DAM 999 திரைப்படம் தமிழகத்தில் திரையிட தடைவிதிக்கப்பட்டதோ, அதே அளவுகோலை இந்த திரைப்படத்திற்கும் கொடுத்து ஒரு சமூகத்தின் உணர்வுகளுக்கு மதிப்பளிக்க வேண்டுகிறோம்.

அன்புடன்
ரஜின்

முகமதியர்களையும்,கிறிஸ்தவர்களையும் தாய்மதம் திரும்ப(மதமாற்றம்) செய்யுங்கள்!!!

முகமதியர்களையும்,கிறிஸ்தவர்களையும் தாய்மதம் திரும்ப (மதமாற்றம்)  செய்யுங்கள்!!! என தமிழ் ஹிந்துவில் மலர்மன்னன் ஹிந்து(துவா)க்களுக்கு அரைகூவல் விடுத்திருக்கிறார்,,,

மதமாற்றம் என்பதே தவறு.தடைச்சட்டம் வேண்டும் என கொக்கரித்தவர்கள்,அதற்கு எதிராக ஆர்ப்பரித்து முஸ்லிம்களையும் கிறிஸ்தவர்களையும் சாடி வந்த இவர்கள்..இப்போது மதமாற்றம் செய்ய இறங்கி விட்டார்கள்...எதற்கு தங்களின் மதத்தை காக்கவா? இல்லை..பிற மதங்களை அழிக்க..(மனப்பால் குடிக்க வேண்டியதுதான்) இவர்கள் ஹிந்துமத கொள்கைகளை சொல்லி மதமாற்றம் செய்யமாட்டார்கலாம்.:( ஏன்னா புரியாதாம்.:( தவறாக புரிந்து கொள்வார்களாம்.:( அதனால்,இஸ்லாம் கிறிஸ்தவத்தில் உள்ள ஓட்டைகளை சொல்லி மாற்றப்போகிறார்களாம்!!!:)

//கீதையை அவர் படித்தால் அவரால் சரியாகப் புரிந்துகொள்ள முடியாது, எல்லாம் தவறாகவே தோன்றும், நுட்பமான ஹிந்து சமயக் கோட்பாடுகளை இப்போது புரிய வைக்க முடியாது என்று சொன்னேன்// 

//கிறிஸ்தவ ஆலயங்களிலும் மசூதிகளிலும் ஆட்டு மந்தைகளைப் போல மக்கள் உட்கார வைக்கப்பட்டு போதகர்களால் சமூகப் பிரச்சினைகளில் இன்னவாறு நடந்துக்கொள்ள வேண்டும் என்று உத்தரவிடப்படுவதுபோல் ஹிந்து ஆலயங்களில் நடைபெறுவ தில்லை என்று எடுத்துக் கூறுகிறேன்.//

//ஹிந்து சமூகச் சட்டங்களில் காலத்திற்கு ஏற்ற விதிகளை நடைமுறைக்குக் கொண்டு வருவது மிகவும் எளிதாகவே உள்ளது,//

இந்த ஈயப்புச்சுக்கு என்னால் கடுமையான விமர்சனங்களை வைக்க முடியும்.ஆனால் இந்த கட்டுரையின் பேசுபொருள் இதுவல்ல.."தேவைபட்டால் " இன்னொரு இடத்தில் பார்ப்போம்.

//ஹிந்துக்களை மத மாற்றம் செய்வது எளிதாக இருக்கிறது ஆனால் கிறிஸ்தவர்களையும் முகமதியரையும் தாய் மதம் திரும்பச்(மதமாற்றம்) செய்வது எளிதாக இல்லை. அவர்களால் முடிவது நம்மால் ஏன் முடிவதில்லை என்று யோசிக்க வேண்டும்.

நம்மாலும் முடியும் என்ற திட சங்கற்பத்துடன் முயற்சி செய்தால் முடியும் என்பதை உணர வேண்டும். ஹிந்துக்கள் ம்தம் மாறுவதைத் தடுப்பதில் ஒரு அணியினரும் மாற்றுச் சமயம் தழுவிய ஹிந்துக்களைத் தாய் மதம் திரும்பச் செய்வதில் இன்னொரு அணியினருமாகப் பணியைப் பகிர்ந்துகொண்டு இதில் இறங்க வேண்டும்.

தாய் மதம் திருமபச் (மதமாற்றம்) செய்தலை ஓர் இயக்கமாகவே தீவிரமாக நடத்தத் தொடங்கினால் அதைக் கண்டு ஏற்படும் மிரட்சியின் காரணமாகவே மத மாற்ற முயற்சிகள் பெருமளவு குறைந்து விடும். - மலர்மன்னன்//

மும்பை வெடிகுண்டு தாக்குதல் - வன்மையான கண்டனங்கள்!!!

இன்று மாலை 6.45 மணிக்கு ஆரம்பித்து 7 மணிக்குள் தாதர், ஜவேரி பஜார் மற்றும் ஒபரா ஹவுஸ் என மூன்று இடங்களில் அடுத்தடுத்து குண்டுகள் வெடித்து மும்பை நகரை அதிர வைத்தன. இந்த சம்பவத்தில் 10 பேர் உயிரிழந்துள்ளதாக தகவல்கள் கூறுகின்றன.

குண்டுவெடிப்பு நடந்த இடங்களை போலீஸார் முற்றுகையிட்டு தடயங்களை சேகரிக்கும் பணியில் ஈடுபட்டுள்ளனர். தடயவியல் நிபுணர்களும் விசாரணையில் ஈடுபட்டுள்ளனர்.முதல் கட்ட விசாரணையில் இந்த குண்டுவெடிப்புகளை இந்தியன் முஜாஹிதீன் தீவிரவாத அமைப்பு நிகழ்த்தியிருக்கலாம் என போலீஸார் சந்தேகம் தெரிவித்துள்ளனர். மேலும் லஷ்கர் இ தொய்பா அமைப்புக்கும் இதில் தொடர்பு இருக்கலாம் என நம்பப்படுகிறது.

Source : http://thatstamil.oneindia.in/news/2011/07/13/im-let-behind-mumbai-blasts-sources-aid0091.html

இந்தியா எனும் மதச்சார்பற்ற நாட்டை கூறு போட நடத்தப்பட்ட கொடூரமான மற்றுமொரு தாக்குதல்!...மாலை வேலை முடிந்து வந்ததும்,கேள்விப்பட்டு டீவி முன் அமர்ந்தேன்...அனைத்து சேனல்களும் முக்கியச் செய்தியாக இதை ஒளிபரப்பிக்கொண்டிருந்தன..பார்க்க சகியாத காட்சிகள்..உயிரிழந்தவர்கள் 18 பேர் என சொல்லிக்கொண்டிருந்தனர்...

மனதை உறையவைக்கும் இத்தகைய தாக்குதல்களை நடத்திவிட்டு,எங்கோ ஹாயாக இருந்துகொண்டிருக்கும் அந்த கொடூரர்கள் யாராக இருப்பினும்,கடுமையான தண்டனைக்குள்ளாக்கப்பட்டு,அடுத்து இது போன்றதொரு தாக்குதல் நிகழாதவாறு கட்டமைப்புகளை வழுப்படுத்தவேண்டும்...

பொதுமக்கள் மீதான இத்தகைய கொடூரத்தாக்குதல்களை நிகழ்த்தும் இந்த மிருகங்களை எதைக்கொண்டு தண்டிப்பது???

உயிருக்கு உயிரான தங்களது குடும்ப உறவுகளை இழந்து வாடும் உயிரிழந்தோரின் குடும்பத்தினருக்கு,ஆழ்ந்த அனுதாபங்களை சொல்வதை தவிர வேறொன்ரையும் மனம் சிந்திக்கவில்லை...

இது போன்ற தாக்குதல்களை நடத்தத் துணியும் உள்நாட்டு வெளிநாட்டு தீய சக்திகளை,நாம் ஒன்றுபட்டு முறியடிப்போம்,...

பொதுமக்கள் மீதான இத்தகையா தாக்குதல்களுக்கு எனது வன்மையான கண்டனங்களை பதிவு செய்கிறேன்....

அநியாயமாக ஒரு உயிரை கொலை செய்பவன் முழு மனித சமுதாயத்தையும் கொலைசெய்தவனாவான்...அல்குர் ஆன்:5:32

அன்புடன்

ரஜின்

வெறுப்புணர்ச்சி - ஜிஹாத் - பகுதி 2

இன்று உலகில் இஸ்லாமிய பெயர்தாங்கிகளால் முன்னிருத்தப்படும் அத்துனை வன்முறைகளும் ஜிஹாத்,என்ற டைட்டில் இல்லாமல் செய்யப்படுவதில்லை.இதுவல்லாது இஸ்லாமியர்களால் செய்யப்படும்,வேறுசில வன்முறைகளுக்கும்,தாராளமாக ஊடகங்கள் ஜிஹாத் என்ற லேபிள் ஒட்டியே மக்களிடம் கொண்டு சேர்க்கின்றன.

ஜிஹாத் குறித்து பிறமத சகோதரர்களின் தெளிவு எப்படிப்பட்டதெனில்......

ஜிஹாத் என்றால் என்ன?புனிதப்போர்...யார் செய்வது? இஸ்லாமியர்கள்.., கொல்லப்படுவது? அப்பாவி மக்கள்.....so இஸ்லாமிய புனிதப்போர்கள் அனைத்தும் அப்பாவி மக்களை கொல்லவதே. 

இது மட்டுமே ஜிஹாத் குறித்து பிற மக்கள் கொண்டுள்ள அபிப்ராயம்.அவர்களுக்கு இது போதுமானது.மேலும் இது குறித்த உண்மை நிலையை யாரும்,அவர்களிடம் கொண்டு சேர்க்காதிருக்க,இஸ்லாமிய எதிரிகளின் பிரச்சாரத்தை மட்டுமே எதிர்கொண்ட மக்களின் மனநிலை அதுவாக இருப்பதை குற்றப்படுத்த இயலாது.

சரி: ஜிஹாத் என்றால் என்ன? 

அரவிந்தன் நீலகண்டன்களுக்கு சில கேள்விகள்!

சமீபத்தில் ஹிந்து(த்துவா)க்களால் மிகவும் வரவேற்கப்பட்ட அரவிந்தன் நீலகண்டனின் உண்மையான கரசேவை என்ற "கட்டு"ரையை படிக்க நேர்ந்தது.

தீர்ப்புக்கு முன்னரே அவர்களது சேவைகளை சரியெனச் சொல்லிவந்தாலும்,அதுவரை யாரும் பாபர் மசூதி இடிப்பை வெளிப்படையாக நியாயப்படுத்தவில்லை.

அலகாபாத் உயர் நீதிமன்ற தீர்ப்பு,அவர்களுக்கு சாதகமானதை தொடர்ந்து,அவர்களது வன்ம வார்த்தைகள் அந்த கருமம் பிடித்த சேவையால் இந்திய தேசத்திற்கு நிகழ்த்தப்பட்ட மாபெறும் அவமானத்தை நியாயப்படுத்த துவங்கி விட்டார்கள்.

இதோ.இந்திய தேச இஸ்லாமியர்களின் இரத்தத்தில் துவைத்து வண்ணமேற்றிய காவிக்கொடியுடன் நாடெங்கும் ர(த்)த யாத்திரை கொண்டு,மாபெறும் இன அழிப்பை நிகழ்த்திய அத்வானி,இத்தீர்ப்பிற்கு பிறகு "தனது யாத்திரை சரியாது தான்"என திருவாய் மலர்ந்து இருக்கிறார்.

இதே தான் அரவிந்தனின் நிலைப்பாடும்.அத்வானி ஆயிரம் தலைவாங்கிய ரதயாத்திரையை நியாயப்படுத்துகிறார்.அரவிந்தன்,அதன் பின் நடந்த தேச அவமானமான மஸ்ஜித் இடிப்பை நியாயப்படுத்துகிறார்.

ஹிந்து பயங்கரவாதிகளின் சட்டீஸ்கர் படுகொலை...ஹிந்துக்களே பதில் சொல்லுங்கள்...

செய்திக்குறிப்பு:

நேற்று சட்டிஸ்கர் மாநிலம் தாண்டேவாடா வனப்பகுதியில் ஹிந்து பயங்கர வாதிகள் நடத்திய பயங்கரத் தாக்குதலில் 75 சிஆர்பிஎப் ஜவான்கள் கொல்லப்பட்டனர். இந்த சம்பவத்திற்கு மத்திய அரசு கடும் கண்டனம் தெரிவித்துள்ளது.ஹிந்து பயங்கர வாதிகளுக்கு தக்க பதிலடி தரப்படும் என உள்துறை அமைச்சர் ப.சிதம்பரம் தெரிவித்துள்ளார்.

இந்த செய்தியை படித்த உடனேயே பதிவு போட வேண்டும் என தோன்றியது..இந்தியாவில் ஹிந்து பயங்கரவாதிகளின் அட்டகாசம் அதிகரித்துவிட்டது....

இது தவிர கடந்த சில ஆண்டுகளில் ஹிந்து பயங்கரவாதிகளால் நாடுமுழுவதும் கொல்லப்பட்டவர்களின் எண்ணிக்கை மற்றும் அதன் பணவிரையம் குறித்த செய்தி இதோ....

ஹிந்து பயங்கரவாத தாக்குதல்கள்: 2600 பேர் பலி

ஹிந்து பயங்கர வாதிகள் நடத்திய தாக்குதலில் கடந்த 3 ஆண்டுகளில் மட்டும் சுமார் 2600 க்கும் அதிகமான மக்கள் உயிரிழந்துள்ளனர். இதில் அதிகமாக பாதிக்கப்பட்டவைகள் சட்டீஸ்கர், பீகார், ஜார்கண்டு, ஒரிசா ஆகிய மாநிலங்கள் தான்.

2006ம் ஆண்டு ஜனவரி மாதத்தில் இருந்து நடப்பாண்டு ஆகஸ்ட் மாதம் வரை ஹிந்து பயங்கரவாதிகள் தாக்குதலால் சுமார் 2212 பேர் உயிரிழந்துள்ளனர்.

2006ம் ஆண்டு சட்டீஸ்கரில் ஹிந்து பயங்கரவாதிகள் நடத்திய 715 தாக்குதல்களில் சுமார் 388 பேர் பலியாகி உள்ளனர். இதே போன்று 2007ம் ஆண்டு 369 பேரும், 2008ம் ஆண்டு 242 பேரும் கொல்லப்பட்டுள்ளனர்.

2009ம் ஆண்டு ஆகஸ்ட் மாதம் வரை சுமார் 180 பேர் பலியாகி உள்ளனர். இதேபோன்று ஜார்கண்டில் ஹிந்து பயங்கரவாதிகள் நடத்திய தாக்குதலில் 2006ம் ஆண்டு 124 பேரும், 2007ம் ஆண்டு 157 பேரும், 2008ம் ஆண்டு ‌207 பேரும் உயிரிழந்துள்ளனர்.

2009ம் ஆண்டு ஆகஸ்ட் வரை ஹிந்து பயங்கரவாதிகளால் 150 பேர் கொல்லப்பட்டுள்ளனர்.

ஹிந்து பயங்கரவாதிகளின் ஊடுருவலை தடுக்க சுமார் 40 ஆயிரம் துணை ராணுவத்தினர் ஈடுபடுத்தப்பட்டுள்ளனர். இவர்களின் பணியை மேம்படுத்துவதற்காக ரூ.7,300 கோடியை மத்திய அரசு ஒதுக்கி உள்ளது

ஆதாரம்:

http://www.nakkheeran.in/users/frmNews.aspx?N=18343

என இவ்வாறாக ஹிந்து பயங்கரவாதிகளால் மக்களுக்கும்,நமது நாட்டுக்கும் பாதுகாப்பின்மை உண்டாகியுள்ளது..ஹிந்து பயங்கரவாதிகளின் செயல்களால் நமது மக்களின் விலை மதிப்பில்லாத உயிர்கள் போவதோடல்லாம,அவர்களது செல்வங்கள் கொள்ளையடிக்கப் படுகின்றன..

ஹிந்து பயங்கரவாதிகளின் இந்த செயல் இந்திய அரசை எச்சரிப்பது போலவும்,எதிர்காலத்தில் அவர்கள் இந்த நாட்டையே ஆயுதம் கொண்டு ஆக்கிரமிக்கும் திட்டமும் இருப்பதாக உளவுத்துறை தெரிவித்துள்ளது..

ஹிந்து பயங்கரவாதிகளின் ஆயுதம் அனைத்தும் இஸ்ரேல் போன்ற நாடுகளில் இருந்து பெறப்படுகிறது..இந்த பயங்கரவாதிகள் அனைவரும் இஸ்ரேலில் இராணுவ மையத்தில் ஆயுத பயிற்சி பெற்றவர்களாம்..

ஹிந்து பயங்கரவாதிகளுக்கெதிரான இந்தியாவின் போர் வலுப்பெறும்போது.அவர்கள்,இஸ்ரேலிடம் தஞ்சம் புகுந்து,இந்தியாவின் மீது முழு ஆயுத பலத்துடம் போர் மேற்கொள்ள திட்டம் தீட்டியுள்ளதாக தெரிய வந்துள்ளது...

இது மேலும் இந்திய அரசை அச்சம் கொள்ள செய்துள்ளது.இது குறித்து பா.சிதம்பரம் அவர்கள் கவலை தெரிவித்துள்ளார்.....

இந்த ஹிந்து பயங்கரவாதிகளின் ஆயுதம் அனைத்தும் அதி நவீன தொழில் நுட்பத்துடன் தயாரிக்கப் பட்டவை..அவை மேலும் இந்திய இராணுவத்தில் சேர்க்கப்படாத அதிநவீன ஆயுதங்கள் என தெரிய வந்துள்ளது....

நேற்றைய தினம் 6/04/2010 அன்று நடந்த தாக்குதல் கூட ஆந்திராவை சேர்ந்த 50 முதிய ஹிந்து தீவிரவாதியான சுதர்சன் என்பவனே தலைமை தாங்கி நடத்தியுள்ளான். இவன் ஆந்திராவில் உள்ள ஹிந்து தீவிரவாத இயக்கத் தலைவன் ஆவான்..

மேற்சொன்ன இந்த பயங்கரவாதிகள் அனைவரும் ஹிந்து மத்தை சேர்ந்தவர்கள்.ஹிந்து வேதங்களின் படி ஹிந்து ராஜ்யம் அமைப்பதே அவர்களின் குறிக்கோள் என அவர்கள் பிரகடன படுத்தியுள்ளார்கள்..அவர்களின் போர் முறை அனைத்தும் கீதையில் சொல்லப்பட்ட போர் சம்பந்தமான கீதாஉபச்சாரங்களாகும்..

அவர்கள் அனைவரும் தீவிர ஆயுத பயிற்சி பெற்றவர்கள் ஆவர்.இது போன்ற இந்தியாவுக்கு எதிரான சக்திகளை வேரருக்க அனைவரும் ஒன்றுகூடி போராட வேண்டும்..

என்னங்க...எல்லாத்தையும் படிக்க படிக்க...இவன் யாருடா லூசுமாரி எதையோ எதோடையோ சேத்து எழுதுரானேனு தோனுதுங்களா?ம்ம்..

வரிக்கு வாரி ஹிந்து பயங்கரவாதின்னு படிக்கிறது சுருக்கு சுருக்குன்னு குத்துதா?....

இவர்கள் அனைவரும் மாவோயிஸ்ட்,மற்றும் நக்சலைட்டு எனும் இயக்கத்தை சேர்ந்த ஹிந்து பயங்கரவாதிகளாம்.

(ஓ...அப்பாட நக்சலைட்களா? அப்டீன்னு பெருமூச்சு விடுரீங்களா..சரி, தொடர்ந்து படிங்க....)

என்னடா சம்பந்தமே இல்லாம ஹிந்து பயங்கரவாதின்னு சொல்ரானேன்னு....

கையில கெடச்சா நல்லா சாத்தனும் போல இருக்குங்களா?...

இந்த மாறி ஒரு செய்திய படிச்சதுக்கெ ஒங்களுக்கு ரத்தம் சூடாகி,என்ன அடிக்க தோணுதே...

சுத்த பைத்தியகாரதனம்,அவதூறு,அப்டீன்னு சொல்ல தோணூதுல்ல..ம்ம்.சரிதான்.நான் மேல் சொன்ன அத்துனை செய்திகளும் உண்மை..ஆனால் செய்தவர்கள் நக்சலைட்கள்.என்னுடைய பார்வை என்னனா....இஸ்லாத்தை பொருத்தவரை பெரும்பான்மை,மற்றும் மதவாத சக்திகளின் பார்வை.. உதாரணத்துக்கு,ஒரு ஹிந்து முஸ்லிம்க்குள்ள எதோ ஒரு தனிப்பட்ட பகை இருந்து,ரெண்டு பேரும் சண்டை போட்டு,அதுல ஹிந்து முஸ்லிம கொன்னுட்டான்ன,வேற பிரச்சனை.பட் அந்த எடத்துல ஹிந்து மட்டும் செத்துட்டான்னு வெச்சுகங்களே..முடிஞ்சது ஜோலி.. முஸ்லிம் பயங்கரவாதியால் முனியாண்டி கொடூரமாக கொல்லப் பட்டார்...அவ்ளோதா..ஹெட்லைன் நியூஸ்....

இப்படிதாங்க.தினமும் நான் சூடு போடப்படுகிறேன் இந்த பெரும்பான்மை ஊடகங்களால்...

இது மாறி இந்தியா முழுவதும் நடக்கும் தீவிரவாத தாக்குதல்களை அதில் ஒரு முஸ்லிம் பெயர்தாங்கி செய்யாவிட்டாலும்,இஸ்லாமிய பயங்கரவாதிகளாக இருக்கலாம்.என்பார்கள்.இல்ல அதுல எவனாச்சு முஸ்லிம் பேர் உள்ளவன் இருந்துட்டான்னா போச்சு...

அப்பட்டமாக இஸ்லாமிய பயங்கரவாதி கைது..இஸ்லாமிய பயங்கரவாதிகளின் சதி...

எங்க பாத்தாலும் "இஸ்லாமிய" இல்லாம இல்ல...

இதெல்லா என்ன இந்தியாவுல உள்ள ஒட்டுமொத்த முஸ்லிம்களோட ஏகோபித்த ஆதரவோடைய நடக்குது...ஹ்ம்ம்...எவ்வளவோ வலி மனசுல..அதா....இஸ்டத்துக்கு எழுதீட்டேன்...

எவனோ ஒரு முஸ்லிம் பேருள்ள ஒருத்தன் செஞ்சுட்டான்.செய்ரான்...சரி..அவனுக்குன்னு ஒரு இயக்கம் இருக்குள்ள அத சொல்லவேண்டிதேணய்யா?....

எங்கோ எவனோ செய்ரான்..அதுக்கு இங்க இருக்குர ஒட்டுமொத்த முஸ்லிம்கள் மேல சாணி அடிக்கிரீங்களே ஏன்?..

என்னுடைய மததின் பேர் நீங்கள் முன்னிருத்தி,அவன் செஞ்ச தப்புல பாதி என்னை சார்ந்ததா ஆக்குரீங்களே...ஏன்?...

எவனோ செய்ர தப்புக்கெள்ளா..தோ...இவன்கள சேந்தவந்தாண்டா நேத்து குண்டு வெச்சது..அப்டீன்னு,என்ன பாத்து மத்தவங்கள கைநீட்ட வக்கிரீங்களே ஏன்?

இவன்கள்ளா என்ன இந்திய முஸ்லிம்களுக்காக பாடுபடுரான்களா?...த்தூ...இல்லயே..இந்த நாட்ல நாங்க நல்லதான இருக்கோம்..இது எங்க நாடாச்சே...இந்த நாட்டுக்கு எதிரா நடக்குர கிளர்ச்சி,என் நாட்டோட வளர்ச்சிய பாதிக்குமே..அவன் கொல்ரவங்க எல்லா என்னோட சகோதர சகோதரிகள் ஆச்சே...

அப்படி இருக்கும் போது என்ன செறக்கிரதுக்கு இவன் எனக்காக பாடுபட போறான்.இல்ல என்ன மயித்துக்கு நா அவனுக்கு ஆதரவா இருக்க போரேன்..ஹ்ம்ம்..ரெண்டுமே இல்ல...அப்டி இருக்கும் போது ஏய்யா அவனோட என்ன சேக்குரீங்க.

ஏதோ.ஒரு அரசியல் காரணத்துக்காக,தீவிரவாதிகள் இறையூட்டி வளர்க்கப் படுகிறார்கள்...

அந்த அரசியல் காரணம் வெற்றியோ தோல்வியோ தழுவும் போது அவர்கள் அப்படியே விடப்படுகிறார்கள்.ரஷ்யாவுக்கு எதிராக தாலிபான்கள் அமேரிக்காவால் உருவாக்கப்பட்டது போல்....

அவன் ஹிந்து ஆனாலும் முஸ்லிம் ஆனாலும்,அநியாயமாக கொலை புரியும் பாதகனேயாவான்,அவனுக்கு மத அடையாளம் கொடுப்பது தவறு.

ஆனால் இங்கு நடப்பதோ..முழுக்க முழுக்க முஸ்லிம்களுக்கு எதிரான ஒருவிதமான மனரீதியான போர் என்றே சொல்லலாம்..இதை பெரும்பாலான அந்நிய சக்திகளும்,இந்தியாவில் உள்ள மதவாத சக்திகளும் திட்டமிட்டே செய்கின்றன..

உளவியல் ரீதியாக முஸ்லிம்களை பலகீனமாக்கி அவர்களை குற்ற உணர்வுள்ளவர்களாக,இரண்டாம் தர குடிமக்களாகவே வைத்து,அவர்களின் முன்னேற்றத்தை தடுத்து,வாழ வழியின்றி செய்ய நடக்கும் அப்பட்டமான சதியே இது.....

இல்லை இல்லை..ஊடகங்களான நாங்கள் இப்படித்தான் செய்வோம் என்றால்..நோக்கம் எதுவானாலும் அவன் ஹிந்து பெயர் தாங்கி என்றால் அவனை ஹிந்து பயங்கரவாதி என்று சொல்லத் துணியுமா இந்த கையாளாகாத ஊடகங்கள்....

எனது ஹிந்து சகோதரர்கள் மத்தியிலும்,மற்றவர்கள் மத்தியிலும்,,,தவறிழைக்காத என்னை குற்றவாளிக்கூண்டில் நிற்க்வைக்கும் இந்த சூட்சமம் ஏன்?

எங்களை இந்த நாட்டுமக்களிடம் இருந்து அன்னியப்படுத்தும் சதி ஏன் செய்யப்படுகிறது..

இன்று பிறக்கும்.இஸ்லாமிய குழந்தைகள் ஏன் என்றே தெரியாமல் இந்த இஸ்லாமிய பயங்கரவாதம் என்ற குடையின் கீழ் வலுக்கட்டாயமாக நிற்கவைக்கப்படுகிறதே...ஏன்? சரி இவ்ளோ நல்லவனாட்டம் பேசுரியே....அப்போ முஸ்லிம்கள்ல பயங்கரவாதிகளே இல்லயா? நீங்க என்ன பாத்தி கேக்கலாம்...நியாயமான கேள்வி....அதுக்கு பதில் இருக்காங்க.....ஒத்துகிறேன்...ஆனால் உலகின் எல்லா நாடுகளிலும்,இருக்கும் அரசை,ஆட்சியை எதிர்த்து,கிளர்ச்சியும்,போராட்டங்களும்,போராட்டக் குழுக்களும் இருக்கதான் செய்கிறது..அவற்றில் பெரும்பான்மை,ஏதோ ஒரு சமயம் அடிபட்டு,அநீதம் இழைக்கப் பட்டு,அதன் உரிமையை பெற போராடும் இயக்கமாக இருக்கும்.வெகுசில,வீண்கிளர்ச்சி செய்து,அரசியல் ஆதாயத்திற்காக செய்யப் படும்.இவ்வாறாக நியாயமான காரணங்களுக்காக உருவாக்கப் பட்ட இயக்கங்களும்,வரம்பு மீறி,கொலை,கொள்ளைகளின் ஈடுபட்டு,அப்பாவிகளை கொல்ல துணியும்போது.அவர்கள் யாராக இருப்பினும் பயங்கரவாதிகளே.அவன் முஸ்லிமானாலும் சரி..ஹிந்து ஆனாலும் சரி..எனது பார்வையில் பயங்கரவாதிகள்....சிலர்.... ஜார்ஜ் புஷ் - ஏரியல் ஷெரோன் - ராஜபக்சே - ஒஸாமா பின் லேடன் - விடுதலை புலிகள் - காஷ்மீர் ஆக்கிரமிப்பாளர்கள் - தாவூத் இப்ராஹிம் - பால் தாக்ரே - ஆர் எஸ் எஸ் - வி ஹெச் பி - பா ஜா க - சிலவேலை இந்திய ராணுவம் - தாலிபான்கள் - நக்சலைட்டுகள்......இன்னும் போய்கிட்டே இருக்கு....

இது யாரையும் புண்படுத்தும் நோக்கில் எழுதப்பட்ட பதிவல்ல..இது என்னையும் நான் சார்ந்துள்ள மார்க்கம் பற்றியதுமான தன்னிலை விளக்க பதிவு...மற்றும் மதநல்லிணக்கம் ஏற்படுத்தும் சிறு முயற்சி....அவ்வளவே.....

எனது ஹிந்து சகோதரர்களே சிந்தியுங்கள்...பதில் சொல்லுங்கள்....

நன்றி

அன்புடன்

ரஜின்

சகோதரர் ராம் அவர்களுக்கு எனது பதில்....

ராம் அவர்களின் கேள்வி...

http://www.tamilhindu.com/2009/10/achchanurangatha_veedu_review/#comment-7211

ram 
14 October 2009 at 4:12 pm

////சகோதரர்களே…
உண்ட வீட்டுக்கு இரண்டகம் செய்பவன்,முதலில்,மனிதனே அல்ல…பின்பு எப்படி அவன் முஸ்லிமாக இருக்க முடியும்,இந்தியாவில், வசித்துக்கொண்டு, அதன் பாதுகாப்பில் இருந்துகொண்டு,அதன் நலன்களை அனுபவித்துக் கொண்டு,அன்னிய நாட்டிற்கு ஆதரவு தருபவன், நயவஞ்சகன்….அவனும்,அப்படி செய்ய தூண்டுபவனும்,முஸ்லிம் அல்ல…///

ஆனால் செய்கிறார்களே, அவர்களை என்ன செய்யப்போகிறீர்கள்?

///லவ் ஜிகாத்,இந்த பெயரை,முதன் முதலில்,பவானி காதலிக்கிறால்,என்ற, பதிவில்,தான் கேள்விப்படுகிறேன்…
முதலில்,இது போன்ற,நோக்கத்துடன் செயல்படுபவன் முஸ்லிம் அல்ல…///

ஆனால் செய்கிறார்களே, அவர்களை என்ன செய்யப்போகிறீர்கள்?

இப்படி அவன் முஸ்லீம் அல்ல என்று கூறிவிடுவது சூப்பர் எஸ்கேபிஸம் தவிர வேறில்லை.

அப்படி முஸ்லீம் அல்லாத ஒருவரை ஏன் நீங்கள் மதத்தில் வைத்திருக்கிறீர்கள். கொயம்பத்தூரில் குண்டுவைத்ததாக தண்டனை பெற்ற முஸ்லீம் குற்றவாளிகளை உங்கள் மதத்திலிருந்து நீக்கி விட்டீர்களா? அதுவும் இல்லை. அப்புறம் நீங்கள் சொல்வது சால்ஜாப்புதானே!

இப்படித்தான் ஒரு கிறிஸ்தவ மத மாற்ற நண்பரிடம் விவாதித்துக் கொண்டிருந்தேன், ஒரு கண்ணத்தில் அடித்தால் எதிரிக்கு மறுகண்ணத்தையும் காட்டு என்று சொன்ன ஏசுவை பின்பற்றும் புஷ் ஆப்கான் மற்றும் ஈராக்கில் அத்தனை மக்களை கொன்றானே அப்போ கிறிஸ்துவம் தோற்றது தானே? என்றேன், அதற்கு அவர் கிறிஸ்து அவனுக்குள் இருந்திருந்தால் அப்படி செய்திருக்கமாட்டான். கிறிஸ்துவாக புஷ் இல்லை என்று சொல்லிவிட்டார்.

உங்களைப் பொறுத்தவரை ஜிகாத் என்ற பெயரில் குண்டுவைப்பவன் முஸ்லீம் இல்லை என்று எஸ்கேப் ஆகிவிடுவீர்கள். அவர்களைப் பொறுத்தவரை கொலைபாதகன் கிறிஸ்துவன் இல்லை என்று கூறி எஸ்கேப் ஆகிவிடுவார்கள். உங்களுக்கு இடையில் இந்துக்கள் சாக வேண்டும்.

அதர்மம் செய்பவனுக்கு தர்மப்படியான போர் சரிப்பட்டு வராது என்று துரியோதனனை தொடையில் அடித்து வீழ்த்த சொல்லிக்குடுத்த கிருஷ்ணனின் வழியே சிறந்தது இந்தக்காலத்திற்கு என்று இந்துவுக்கு படுகிறது. அப்படி செய்துவிட்டால் இந்துத்தீவிரவாதம் என்று சொல்லி இன்னும் எங்களை ஏறி மிதிப்பீர்கள்.

மத்தளமானது இந்து மதம். மத்தளத்தை கொட்டிவிட்டு சத்தம் மட்டும் கேட்கக்கூடாது என்கிறீர்கள். அது எப்படி சாத்தியம்?

--------- ----------- ----------- -------------- --------------------- ------------- ------------- ---------- -------------- ----------

எனது பதில்:

சகோதரர் ராம் அவர்களே.
அவன் செய்தானே,அவனை என்ன செய்யப் போகிறீர்கள்,….இந்த கேள்வி நீங்கள் இந்திய அரசை பார்த்து கேட்டால் பொருத்தமாக இருக்கும்,நானோ,கமல் சொல்வது போல காமன் மேன்,அவ்வளவு தான்.நீங்களும்,காமன் மேன் எனவே நம்புகிறேன்…..
ஒருவன் தவறு செய்தால்,அவனை ஒட்டுமொத்த சமுதாயத்தின்,தார்மீக பொருப்பு கொண்ட பிரதிநிதியாக பார்க்கும்,தங்களது பார்வை,தவறானது….

// ஏசுவை பின்பற்றும் புஷ் ஆப்கான் மற்றும் ஈராக்கில் அத்தனை மக்களை கொன்றானே அப்போ கிறிஸ்துவம் தோற்றது தானே? என்றேன்//

என்ன ஜார்ஜ் புஷ் கிறிஸ்தவ மதத்தை தோற்றுவித்தவரா? அல்லது,கிறிஸ்தவ மததை ஒட்டுமொத்த குத்தகைக்கு எடுத்துக் கொண்டாரா?

அவர் கிறிஸ்தவ மதத்தை சார்ந்தவர்,அவர் அதை பின்பற்றுவதும், பின்பற்றாதததும், அவரது உரிமை….
அவர் செய்யும் காரியங்களுக்கு,கிறிஸ்தவ மதத்தினை பொறுப்பாக்குகிறது, தங்கள் கேள்வி…….அவர்செய்த ஒரு காரியத்தால்,கிறிஸ்தவ மதம் தோற்றுவிட்டதாக,நீங்கள் சொன்னால்,உலகம் முழுவதும் உள்ள கிறிஸ்தவ மிஷினரிகளில்,60% அமேரிக்கர்களுடையது,அதை கொண்டு,அவர்கள் மக்களுக்கு அள்ளிகொடுக்கிறார்கள்,(நோக்கம் எதுவாகட்டும்) அப்போ கிறிஸ்தவம் ஜெய்த்து விட்டதா?

தனி ஒருவனின் செயல்பாடு,முழுமதத்தின்,பிரதிபலிப்பும் அல்ல,அவனது செயல்களுக்கு,மதத்தையும் பொருப்பாக்க முடியாது…..

இல்லை.மதம் தான் பொருப்பு என்று,நீங்கள் சொன்னால்,காந்தியை கொன்ற கோட்சே மூலமோ,அல்லது,குண்டு வைத்த துறவி பிரக்யா சிங்,மூலமோ ஹிந்து மதம் தோற்று விட்டது,என்று,நான் சொன்னால் ஏற்றுக் கொள்வீர்களா?

நக்சல்லைட்டுகள் தாக்குதல்கள்: 2600 பேர் பலி
http://www.nakkheeran.in/users/frmNews.aspx?N=18343
இந்த நியூச படிங்க……
இந்த இயக்கத்த சார்ந்தவங்க எல்லாம்,ஹிந்துக்கள்,எனவே, அவர்களுக்கு, ஹிந்து மதம் தான் பொறுப்பேற்க்குமா? அல்லது சகஹிந்து எனும் ரீதியில், தாங்கள் தான் பொறுப்பேற்று கொள்வீர்களா?….இல்லை அவர்களை நீங்கள் என்னசெய்ய போகிறீர்கள் என்று,நான் தங்களை நோக்கி கேட்டால்,தங்கள் பதில் என்னவாக இருக்கும்,சகோதரரே?

இதே நிலை இஸ்லாத்துக்கும்,இஸ்லாமியர்களான எங்களுக்கும், பொருந்தும்,

ஏதோ முஸ்லிம்கள் எல்லாம்,அரபு நாட்டில் இருந்து வந்தவர்கள் என்ற தங்களது பார்வை,தவறானது…இங்குள்ள முஸ்லிம்கள் அனைவரும் இந்தியர்களே,அவர்கள் சார்ந்துள்ள மார்க்கம் இஸ்லாம்,தாங்கள் ஹிந்து மதத்தை சார்ந்துள்ளது போல,அவ்வளவே….
மற்றபடி,தேசப்பற்று,ஒருமைப்பாடு,நாட்டுநலன்,இவற்றில் யாரும் யாருக்கும்,குறைந்தவர்கள் அல்ல….

சகோதரரே,இத்தனை விஷயங்களும்,நான் இங்கு,பதிந்ததற்கான காரணம்,இஸ்லாமிய பெயர்தாங்கிகளால்,செய்யப்படும்,வன்முறையை ஒரு போதும் நியாயப்படுத்த அல்ல…..
குற்றம் யார் செய்தாலும்,தயவு தாட்சண்யம் இன்றி தண்டிக்கப் பட வேண்டும்.
இது தான் எனது நிலைப்பாடு,நான் சார்ந்துள்ள மார்க்கமும் ,அதையே சொல்கிறது….

யாருக்காகவும் நானோ,நான் சார்ந்துள்ள மதமும் பொருப்பேற்க முடியாது…இது ஹிந்துக்களுக்கும் பொருந்தும்…

நாம்,நமது நிலைப்பாட்டை தெரிவிக்க முடியும் அவ்வளவே…..

நன்றி..

அன்புடன்
ரஜின்

ரஹ்மத்துல்லாஹ் - பதில் 03

ரஹ்மத்துல்லா எழுதியது...

8 October 2009 at 7:04 pm

//”வேதம் அருளப்பெற்றவர்களில்(யூத,கிறிஸ்தவர்கள்) எவர்கள் அல்லாஹ்வின் மீதும், இறுதி நாளின் மீதும் ஈமான் கொள்ளாமலும், அல்லாஹ்வும், அவனுடைய தூதரும் ஹராம் ஆக்கியவற்றை ஹராம் எனக் கருதாமலும், உண்மை மார்க்கத்தை ஒப்புக் கொள்ளாமலும் இருக்கிறார்களோ” (அப்படீன்னா…ஏற்றுக்கொள்ளாதவர்கள் இருக்கத்தான் செய்வார்கள்). அவர்கள் (தம்) கையால் கீழ்ப்படிதலுடன் ஜிஸ்யா (என்னும் கப்பம்) கட்டும் வரையில் அவர்களுடன் போர் புரியுங்கள்.(”கப்பம் கட்டும் வரை”அப்டீன்னா,கட்டீட்டா வுட்டுடுங்கன்னு தானெ அர்த்தம்)” 9:29

இது இஸ்லாமிய ஆட்சியின் கீழ் இருக்கும் மாற்று மதத்தினர் மீது,ஜிஸ்யா எனும் வரிவிதிப்பு உண்டு..அதை அவர்கள் செலுத்தாத வரையில் அவர்களுடன் போர் புரியுங்கள்ன்னு அல்லாஹ் சொல்கிறான்.//

சகோதரர் ரஜின் அவர்களே, எந்த இடத்தில்

”இஸ்லாமிய ஆட்சிக்குள் இருக்கும் மாற்றுமதத்தினர்” என்ற வார்த்தை இந்த வசனத்தில் இருக்கிறது? நீங்களாக இட்டுக்கட்ட ஆரம்பித்துவிட்டீர்களா?

ம்ம் இதில் இட்டுகட்ட என்ன இருக்கிறது....

//[கீழ்ப்படிதலுடன் ஜிஸ்யா (என்னும் கப்பம்) கட்டும் வரையில் அவர்களுடன் போர் புரியுங்கள்]//

ஜிஸ்யா மாற்று மதத்தினர் கட்டாம,முஸ்லிமான?? ??   நீங்களா கட்டுவீங்க?.....

புரியாதவங்களுக்கு,விளக்கலாம்,புரியாதமாதிரி நடிக்கிரவங்களுக்கு....ம்ம் முடியாத காரியம் தான்....

ஜிஸ்யாவுக்கு மட்டும் தான் போர்புரிய சொல்லுது...

(இந்தியாவுல வரி யேய்ப்பு செய்ரவங்கள என்ன செய்வாங்க....தனிமனிதனா இருந்தா கைது,சமூகமா இருந்தா,அடக்கி கட்டவைப்பார்கள்...அது தான்...இஸ்லாமும் சொல்லுது..)

நீங்கள் சொல்வது போலத்தான் வசனம் இருந்தால், ஏன் நபி(ஸல்) அவர்கள் இஸ்லாமை ஒப்புக்கொள்ளாத மற்ற நாடுகள் மீது படையெடுத்து இஸ்லாமை ஒப்புக்கொள்ள செய்தார்கள்?

அடப் பாவிங்களா?....இஸ்லாம்,வாளால்,பரப்பபட்டது,அததானே, சொல்ல வர்ரீங்க?...

ம்ம்ம் இன்னக்கி இப்படித்தான்,உலகம் முழுவதும் ஊடகங்களாலும்,யூத கிறிஸ்தவர்களாலும்,பரப்ப படுகிறது......

இந்த மாதிரி, இஸ்லாத்த எடுத்துவைக்க,மார்க்கமும் சொல்லல,அப்படிதான் பரப்பபட்டது,என்பதற்கு, வரலாற்று ஆதாரமும் இல்ல.....சும்மா மார்க்கத்தில் பேரால்,இட்டுக்கட்டாதீங்க....

அப்படி கட்டாயத்தின் பேரால் வாளுக்கு பயந்து இஸ்லாத்தை ஏற்பவர்களிடம்,ஈமான் இருக்காது.... 

ஈமான்கிற நம்பிக்கை இல்லாதவன,இஸ்லாமியன்னு இஸ்லாம் சொல்லல,,இல்லயா..அவனுக்கு பேரு முஸ்லிம் இல்ல,முனாஃபிக்...இதுவாவது தெரியுமா?

இந்தியாவ எடுத்துகிட்டா.இங்க 200 ஆண்டுகளுக்கு மேலா இஸ்லாமிய?? ஆட்சி இருந்துச்சு,ஆனா அதில் பெருவாரியான அரசர்கள்,நீங்க சொன்னமாதிரி,வாளாலும் சரி,சும்மா கூட இஸ்லாத்தை பரப்பவில்லை...அவர்கள் அனைவரும் சுகபோக வாழ்வு வாழ்ந்தார்கள்...

அக்பர் போன்ற அரசர்கள், ஹிந்துக்களுடன்,நல்லிணக்கத்தை ஏற்படுத்தினார்...

அதற்கு சாட்சி.இன்றைய இந்தியா....இங்கு பெரும்பான்மையினர்,ஹிந்துக்கள்....இது ஒன்று போதாதா ஒங்க பிரச்சாரம் பொய்ன்னு நிரூபிக்க....

//கப்பம் கட்டும் வரை”அப்டீன்னா,கட்டீட்டா வுட்டுடுங்கன்னு தானெ அர்த்தம்//

இப்போது உலகத்தின் இந்துக்களும் கிறிஸ்துவர்களும் யூதர்களும் முஸ்லீம்களுக்கு கப்பம் கட்டுகிறார்களா? அவர்கள் கட்டும் வரைக்கும் ஜிஹாத் புரியவேண்டியது ஒவ்வொரு முஸ்லீமின் கடமை.

ஓ ....நீங்கதான் நம்ம இந்தியாவின் மாமன்னர் ரஹ்மத்துல்லாவா?....எனக்கு தெரியாம போச்சு???

நா வந்து,இந்தியாவுல காங்கிரஸ் ஆட்சி நடக்குதுன்னு நெனச்சுகிட்டு இருக்கேன்.....

ஒங்க ஆட்சியில யாருமே ஜிஸ்யா(பாதுகாப்பு வரி) கட்டலயா???....அடடா////

ரஹ்மத்துல்லா,சும்மா அரவேக்காட்டு தனமா பேசிகிட்டு இருக்காதீங்க.......

சகோதரர் ரஜின் அவர்களே கீழே பாருங்கள். இது இஸ்ரேலின் புத்திரர்களுக்கு அதாவது யூதர்களுக்கு அருளியது என்று தெளிவாக அல்குரான் குறிப்பிடுகிறது.

சூரா - அல் மாயிதா
அத்தியாயம் – ஐந்து
வசன எண் - 32

இதன் காரணமாகவே, ”*நிச்சயமாக எவன் ஒருவன் கொலைக்குப்பதிலாக அல்லது புமியில் ஏற்படும் குழப்பத்தை(த் தடுப்பதற்காக) அன்றி, மற்றொருவரைக் கொலை செய்கிறானோ அவன் மனிதர்கள் யாவரையும் கொலை செய்தவன் போலாவான்*. மேலும், எவரொருவர் ஓராத்மாவை வாழவைக்கிறாரோ அவர் மக்கள் யாவரையும் வாழவைப்பவரைப் போலாவார்.என்று இஸ்ராயீலின் சந்ததியினருக்கு விதித்தோம். மேலும், நிச்சயமாக நம் தூதர்கள் அவர்களினடம் தெளிவான அத்தாட்சிகளைக் கொண்டு வந்தார்கள். இதன்பின்னரும் அவர்களின் பெரும்பாலோர் புமியில் வரம்பு கடந்தவர்களாகவே இருக்கின்றனர்.

நீங்கள் சொல்வது உண்மையென்றால், இதில் ”எல்லோருக்கும் விதித்தோம்” என்றல்லவா சொல்லியிருப்பான். இங்கே தெளிவாக இஸ்ரேலின் புத்திரர்களுக்கு விதித்தோம் என்று சொல்லியிருக்கிறான் அல்லாஹ். யாரிடம் காது குத்துகிறீர்கள்.

சகோதரரே??...

இது சம்பந்தமா நான் எனது முந்தய பின்னூட்டத்தில் கொடுத்த பதில் போதுமானது....





{அடப்பாவிங்களா…குர் ஆனே பொதுவா எல்லாத்துக்கும்,குறிப்பா முஸ்லிம்களுக்கு அருளப்பட்டது..அதுல உள்ள வசனம் யூதர்களுக்கா?…நல்ல கதையா இருக்கு..

சரி நீங்க சொல்ர மாதிரி யூதர்களுக்குன்னா,அவங்களுக்கு அருளப்பட்ட வேதமும்(தோரா) அல்லாஹ் இறக்கியது தானே…அந்த வேதத்தை,ஈமான் கொள்ளாதவர் முஸ்லிம் இல்லையே….

தாங்கள் எப்படி?????}

குர் ஆன்ல உள்ள ஒரு வசனம் யூதர்களுக்கு,என்று,உங்களின் மேதாவித்தனத்தின்?? மூலம் முதல்முறை அறிகிறேன்...........







நீங்கள் சொல்வது உண்மையென்றால், இதில் ”எல்லோருக்கும் விதித்தோம்” என்றல்லவா சொல்லியிருப்பான். இங்கே தெளிவாக இஸ்ரேலின் புத்திரர்களுக்கு விதித்தோம் என்று சொல்லியிருக்கிறான் அல்லாஹ். யாரிடம் காது குத்துகிறீர்கள்.

ம்ம்ம் அப்படிப்பார்த்தால்,அல்லாஹ் பெருவாரியான வசனங்களை,நபியே!(ஸல்) என்று,நபியை பார்த்து,தான் சொல்கிறான்,

மக்காவாசிகளே,நபியின் மனைவியரே,என பல இடங்களில்,அல்லாஹ்,குறிப்பிட்டு சொல்கிறான்,

அப்ப இத எல்லாம் பிரிச்சுட்டு பாத்தா?............




முதல் மற்றும் கடைசி அட்டைதான் குர் ஆனில் மிஞ்சும்????

இதல்லாம்...யாரு ஒங்களுக்கு பாடம் எடுக்குரா???? 




“உங்கள் மார்க்கம் உங்களுக்கு,எங்கள் மார்க்கம் எங்களுக்கு” இது எப்போது அருளப்பட்டது என்று தெரியுமா உங்களுக்கு? முஸ்லீம்களின் பிள்ளைகளை மற்ற மததினராக்கக்கூடாது என்பதற்காக இறக்கப்பட்ட வசனம் அது. சற்றே ஹதீஸ் படித்துப் பாருங்கள்.





ஏங்க...ஹதீஸ்ல இருக்கா?....நீங்க படிச்சுருக்கீங்களா?....அப்டீன்னா......அத அப்ப்டி இங்க பதிஞ்சுருக்கலாமே????

...........................................................................................................................................................................................................................

ஜயராமன் 

8 October 2009 at 3:30 pm

உங்களுக்கு ரொம்ப தாங்க்ஸ். இந்த மாதிரி ஆட்களிடமிருந்து நீங்கள்தாம் உங்கள் மார்க்கத்தை மீட்பிக்க வேண்டும். ஒன்று தெரிகிறது.. உங்கள் இறைவன் இறக்கியதாக நீங்கள் சொல்லும் புத்தகத்தில் ஏகப்பட்ட குழப்பங்கள் இருக்கிறது போல. ரொம்பவும் தெளிவாகவே சொல்லியிருக்கிறோம் என்று சொல்லப்பட்டிருந்தாலும். இன்னும் கொஞ்சம் தெளிவாக இந்த வஹீ வந்திருக்கப்படாதா!

நன்றி,ஜெயராமன்...

இவங்களுக்கே..இன்னும் நிறையா விளக்கவேண்டி இருக்கு....

வஹீ பத்தி சொன்னீங்க.....ஒரு சாதாரண பாட புத்தகத்த ஒரு வகுப்பில் உள்ள மாணவர்கள்,ஒவ்வொருவரும் புரிந்துகொள்ளும் விதம் வேறு...இல்லயா....இது இறைவேதம்...அல்லாஹ் இது குறித்து ஆராய்ந்து பார்க்க தான் சொல்ரான்...அதுவல்லாது....அதன்படி,வாழ்ந்துகாட்டிய நபியவர்களின் வாழ்க்கை அதை புரிந்துகொள்ள போதுமானது.... 

அன்பரசனின் விளக்கம் சொல் மண்டி இரா அவர்களுக்கு போதுமானது...

அன்பரசன் 
9 October 2009 at 8:22 am

இங்கே எழுதியிருக்கும் இஸ்லாமிய நண்பர்களது பின்னூட்டங்களை தயவு செய்து நீக்கிவிடுங்கள்.

அவர்களுக்கு பிரச்சாரம் செய்ய வேறு நிறைய இடங்கள் இருக்கின்றன.

அன்பரசன் அவர்களே......இஸ்லாத்தை பத்தி தாங்கள் பதிவு வெளியிடும் போது,அதற்கு,பின்னூட்டம் இடும் உரிமையைக் கூட எனக்கு தர மறுக்கிரீர்களே?....

இஸ்லாம் பற்றி,தங்களது புரிதலை,பதிவாக வெளியிடுகிறீர்கள்..(சரியோ தவறோ) நான் வரவேற்கிறேன்.....

ஆனால் அது சரியெனில்,வாழ்த்தவும்,அது தவறெனில்,சுட்டிக்காட்டவும்,விளக்கவும்,தேவையான குறைந்த பட்ச உரிமையை எனக்கு தாருங்கள்............

நன்றி

அன்புடன்

ரஜின்

http://sunmarkam.blogspot.com/

ரஹ்மத்துல்லா - பதில் 02

இங்கு அவர் என்னை நோக்கி எழுப்பிய கேள்விகளுக்கு நான் பதில் தர வேண்டியுள்ளதால்,அவரது பதிவை சிவப்பு வண்ணத்திலும்,எனதை கருப்பிலும் பதிந்துள்ளேன்..

ரஹ்மத்துல்லா எழுதியது....
7 October 2009 at 6:31 am

அல்லாஹ்வின் வழியை முஸ்லீம்களுக்கே தெளிவுபடுத்த வேண்டிய தேவையை சகோதரர் ரஜினின் மறுமொழி சுட்டிக்காட்டுகிறது.

தீவிரவாதம் செய்பவன் முஸ்லீம் அல்லதான். ஆனால், முஸ்லீம்கள் செய்வது தீவிரவாதம் அல்ல என்பதை புரிந்துகொள்ளவேண்டும்.

பரிதாபத்துக்குரிய ரஜினின் பதிலை பார்த்து பரிதாபப்படாமல் என்ன செய்வது? அது எக்காலமும் முஸ்லீம்களுக்கு தைரியமூட்ட கொடுக்கப்பட்டது. பத்ரு போருக்கு மட்டுமான வசனம் என்றால் அது ஏன் நிரந்தரமான அல்குரானில் இடம் பெற்றுள்ளது? வெற்றி என்றும் முஸ்லீம்களின் பக்கமே என்று அல்லாஹ் இங்கே தெளிவாக்குகிறான். முஸ்லீம்களின் எண்ணிக்கை குறைவாக இருந்தாலும் அல்லாஹ்வே முஸ்லீம்களின் அருகே நின்று போர் புரிய மலக்குகளை அனுப்புகிறான்.

உண்மைதான் ரஹ்மத்துல்லாஹ்,இது பத்ரு போரின்போது அந்த வசனம் இறக்கப் பட்டாலும்,இது முஸ்லிம்கள் "போர் புரியும்"(வன்முறை அல்ல) எல்லா காலத்துக்கும் பொருந்தும்...சரிதான்.ஆனால் இந்த வசனத்தை கையாள நீங்கள் போர் அல்லவா புரியவேண்டும்...

ஈராக்கில்,அமேரிக்காவுக்கு,எதிராகவும்,பாலஸ்தீனில்,இஸ்ரேலுக்கு எதிராகவும்,நீங்கள் நிற்கும் போது இந்த வசனத்தை கையில் எடுத்துகொள்ளுங்கள்.....

மாராக,இஸ்லாத்தின் பெயரால் நிகழ்த்தப்படும்,பொது மக்கள் மத்தியிலான குண்டு வெடிப்பு,மும்பையில்,சமீபத்தில் தாஜ் ஹோட்டல்,நரிமன் ஹவுஸ்,ரயில் நிலையம் பொன்றவற்றில் நடந்த கொலைவெறித்தாக்குதல்களுக்கு,நீங்க ஜிஹாதுன்னு பேரு வச்சுகிட்டு,யாரோட போர் பொரியுரீங்க சார்....ஏதும் அறியாத அப்பாவி மக்களோடயா?...

//அக்காலத்தில் முஸ்லிம்களுடன் எதிரிகள் நடத்திய போர்கள் அனைத்தும்,நாட்டை கைப்பற்றவோ,அல்லது,செல்வத்திற்க்காகவோ,அல்ல…//

//முஸ்லீம்களின் எதிரிகள் நாட்டை கைப்பற்றவோ அல்லது செல்வதுக்காகவோ போர் புரியவில்லை. அவர்கள் சாத்தானின் பக்கத்திலிருந்து போர் புரிகிறார்கள். ஆனால், அல்லாஹ்வின் ஜிஹாதுக்காக போர் புரிகிறார்கள்.//

ஆமா சார்.. அப்பொ முஸ்லிம்களுடன் எதிரிகள் நடத்திய போர்கள் அனைத்தும்,நாட்டை கைப்பற்றவோ,அல்லது,செல்வத்திற்க்காகவோ,இல்ல,அததான்,நா சொன்னேனெ...

அது இஸ்லாமிய மார்க்கத்துக்கு எதிரான போர்தான்..அதனால் தான் அல்லாஹ்,எதிரிகளை குறித்து சொல்லும் போது நிராகரிப்போர் என்று குறிப்பிடுகிறான்...

//”வேதம் அருளப்பெற்றவர்களில் எவர்கள் அல்லாஹ்வின் மீதும், இறுதி நாளின் மீதும் ஈமான் கொள்ளாமலும், அல்லாஹ்வும், அவனுடைய தூதரும் ஹராம் ஆக்கியவற்றை ஹராம் எனக் கருதாமலும், உண்மை மார்க்கத்தை ஒப்புக் கொள்ளாமலும் இருக்கிறார்களோ. அவர்கள் (தம்) கையால் கீழ்ப்படிதலுடன் ஜிஸ்யா (என்னும் கப்பம்) கட்டும் வரையில் அவர்களுடன் போர் புரியுங்கள்.” 9:29

எதுவரையிலும் ஜிஹாத் என்பதற்கு மேற்கண்ட இறைவசனத்தை விட வேறென்ன ஆதாரம் வேண்டும் சகோதரர் ரஜின் அவர்களே?//

ம்ம்ம்...அந்த வசனத்த...நீங்களே கண்ண நல்லா தொரந்து ஒரு தடவ,இல்ல... ரெண்டு தடவ படிச்சு பாருங்க... 

”வேதம் அருளப்பெற்றவர்களில்(யூத,கிறிஸ்தவர்கள்) எவர்கள் அல்லாஹ்வின் மீதும், இறுதி நாளின் மீதும் ஈமான் கொள்ளாமலும், அல்லாஹ்வும், அவனுடைய தூதரும் ஹராம் ஆக்கியவற்றை ஹராம் எனக் கருதாமலும், உண்மை மார்க்கத்தை ஒப்புக் கொள்ளாமலும் இருக்கிறார்களோ"(அப்படீன்னா...ஏற்றுக்கொள்ளாதவர்கள் இருக்கத்தான் செய்வார்கள்). அவர்கள் (தம்) கையால் கீழ்ப்படிதலுடன் ஜிஸ்யா (என்னும் கப்பம்) கட்டும் வரையில் அவர்களுடன் போர் புரியுங்கள்.("கப்பம் கட்டும் வரை"அப்டீன்னா,கட்டீட்டா வுட்டுடுங்கன்னு தானெ அர்த்தம்)” 9:29

இது இஸ்லாமிய ஆட்சியின் கீழ் இருக்கும் மாற்று மதத்தினர் மீது,ஜிஸ்யா எனும் வரிவிதிப்பு உண்டு..அதை அவர்கள் செலுத்தாத வரையில் அவர்களுடன் போர் புரியுங்கள்ன்னு அல்லாஹ் சொல்கிறான்..  

அல்லாஹ்வுடய வார்த்தையயை ஒங்களுக்கு ஏத்தமாதிரி வளைக்காதீங்க சார்....

உமர் (ரலி)அறிவித்தார்.

(எனக்கு பின் வருகிற புதிய) கலிஃபாவுக்கு நான் உபதேசிக்கிறேன்.அல்லாஹ்வின் பொருப்பிலும்,அவனுடய தூதர் (ஸல்) அவர்களின் பொருப்பிலும் உள்ள (முஸ்லிமல்லாத)வர்களின் ஒப்பந்தத்தை முழுமையாக நிறைவேற்றிட வேண்டும்.அதன்படி அவர்களை பாதுகாப்பதற்காகப் போரிட வேண்டும்.அவர்களின் சக்திக்கேற்பவே தவிர(ஜிஸ்யா எனும் பாதுகாப்பு வரியின்) அவர்கள் மீது சுமத்த கூடாது.

ஸஹீஹுல் புஹாரி:பாகம் : 3,ஹதீஸ் எண்:3052

இது என்ன சொல்லுதுன்னு பாத்தீங்களா?...முஸ்லிம்கள் பொருப்பில் உள்ள மாற்றுமதத்தவர்களுக்காக முஸ்லிம்கள் போரிடனும்னு சொல்லுது...

ரஹ்மத்துல்லா,உங்களது புரிதல் படி:"ஒங்க பொருப்புல இருக்குரவங்கள மொதல்ல கொல்லுங்கன்னுல மார்க்கம் சொல்லனும்"...அவங்களும் நிராகரிப்பாளர்கள் தானே....

மாறா அவங்கள பாதுகாக்க சொல்லுது....இது தான் இஸ்லாம்...புரியுதா?

//இறைஅருளால் அந்த போர்களில் வெற்றி கண்டு,அன்று வரை இல்லாத ஒரு புது சமூக கட்டமைப்பை உருவாக்க முனையும் போது,கிளர்ச்சியில் ஈடுபடும் சில கூட்டத்தினரை எச்சரிக்க படைகள் அனுப்பபட்டன….

அவர்கள் தன்னுடய நிலையிலேயே(குழப்பம் செய்வது) நீடிக்க முயலும் போது,அவர்கள் மீது போர் தொடுப்பது கட்டாயம் ஆகிரது//

யார் இலலை என்று சொன்னது சகோதரர் ரஜின் அவர்களே? இன்றும் அதே நிலைதானே நீடிக்கிறது? இன்று உலகத்தில் ஒரு புது கட்டமைப்பை உருவாக்க அல்லாஹ்வின் வழியில் நிற்கும் முஸ்லீம்கள் தொடர்ந்து முயற்சி செய்துதான் வருகின்றனர். அது உருவாகிவிட்டதா? உலகெங்கும் இஸ்லாமின் ஆட்சியில் வரும் வரைக்கும் என்ன செய்யவேண்டும் எனப்தைத்தான் 9.29 கூறுகிறது.

அப்படியா?....அப்போ ஒரு போர் பிரகடணம் செய்யுங்க....போருக்கு வர்ரவங்கள கொல்லுங்க...யாரும் எதுவும் சொல்ல மாட்டோம்..

ஏதும் அறியாத மக்கள் என்ன செஞ்சாங்கன்னு அவங்க மீது ஒங்க கோவம்...அவங்களாலதான்,ஒங்கள திரும்ப தாக்க முடியாதுன்னா?

//இல்லை சகோதரர் ரஜின் அவர்களே..

அவர்களும் காபிர்களைச் சார்ந்தவர்களே என்று நபி(ஸல்) அறிவுறுத்தியுள்ளார்.
”இணைவைப்போரான எதிரி நாட்டினரின் பெண்களும் சிறுவர்களும் சேதமடையும் பட்சத்தில் அவர்கள் மீது இரவு நேரத்தில் தாக்குதல் நடத்தலாமா?” என்று நபி (ஸல்) அவர்களிடம் கேட்கப்பட்டது. ”அவர்களும் (எதிரிகளான) அவர்களைச் சார்ந்தவர்களே” என்று பதிலளித்தார்கள். (நூல்கள் - புகாரி, 3012. முஸ்லிம், 3589, 3590)

ம்ம்ம் இந்த வசனத்துல,அவங்கள தாக்கலாம்னோ,அல்லது கூடாதுன்னோ சொல்லல...சரிங்களா.....நீங்களா ஒரு முடிவுக்கு வராதீங்க.....

இத பாருங்க...

அனஸ் (ரலி) அறிவிக்கிறார்கள்.

நபி(ஸல்) அவர்கள் (போருக்காக) கைபரை நோக்கிப் புறப்பட்டு அங்கு இரவு நேரத்தில் போய் சேர்ந்தார்கள்.அவர்கள் ஒரு சமுதாயத்தின் மீது இரவு நேரத்தில் படையெடுத்து செல்வார்களாயின்,காலை நேரம் வரும் வரை அவர்கள் மீது தாக்குதல் நடத்தமாட்டார்கள். 

ஸஹீஹுல் புஹாரி:பாகம் : 3,ஹதீஸ் எண்:3945

இது தான் போருக்கான முறையான ஹதீஸ்..சும்மா,எதயாவது எடுத்துவச்சு,ஒலராதீங்க....

//கஜ்வா என்னும் திடீர் தாக்குதலில் பெண்களும் சிறுவர்களும் இறப்பது தவிர்க்கமுடியாதது. இருபுறமும் அறிவித்து செய்யும் போரில்தான் பெண்களையும் குழந்தைகளையும் கொல்லக்கூடாது என்று நபி (ஸல்) அறிவுறுத்தியுள்ளார்//.

இது என்ன ஒங்களோட சொந்த ஃபத்வா வா?...இப்படித்தான் ஊருக்குள்ள பலபேர் இஷ்டத்துக்கு,ஏதோ மிட்டாய் கொடுக்குர மாதிரி,ஃப்த்வா கொடுத்துகிட்டு திரியுராங்க....

//,இது போன்ற ஒரு புதிய சமூகத்தை நீங்கள் அமைக்க முனைந்தால்,வரும் பிரச்சனைகளை தீர்க்க (திணிக்கப்பட்ட) சில போர்கள் நீங்கள் செய்வது அவசியம் என உணர்வீரகள்//

அதனைத்தான் நானும் சொல்கிறேன்.

//இது எல்லாவற்றிகும் மேலாக…இறைவன் கூருகிறான்..
எவன் ஒருவன் அநியாயமாக ஒருவனை கொலை செய்கிரானோ, அவன் முழு மனித சமுதாயத்தையும் கொன்றதற்கு சமம்…இன்னும் எவன் ஒருவன் ஒருவனை காரணமின்றி அநியாயமாக கொல்கிறானோ,அவன் முழு மனித சமுதாயத்தையும் கொன்றதற்கு சமம் என்று…
கொலை இஸ்லாத்தில் பெரும் பாவங்களில் ஒன்று….//

இல்லை சகோதரர் ரஜின் அவர்களே. அந்த வரி அல்லாஹ்வால் யூதர்களுக்கு அருளப்பட்டது. அது யூதர்களுக்கு அருளப்பட்டது என்றுதான் அல்குரானிலும் இடம் பெற்றுள்ளது. அது முஸ்லீம்களுக்கு அருளப்படவில்லை.

அடப்பாவிங்களா...குர் ஆனே பொதுவா எல்லாத்துக்கும்,குறிப்பா முஸ்லிம்களுக்கு அருளப்பட்டது..அதுல உள்ள வசனம் யூதர்களுக்கா?...நல்ல கதையா இருக்கு..

சரி நீங்க சொல்ர மாதிரி யூதர்களுக்குன்னா,அவங்களுக்கு அருளப்பட்ட வேதமும்(தோரா) அல்லாஹ் இறக்கியது தானே...அந்த வேதத்தை,ஈமான் கொள்ளாதவர் முஸ்லிம் இல்லையே....

தாங்கள் எப்படி?????

ரஹ்மத்துல்லாஹ்,

மற்ற மதத்தினரையும்,மதங்களையும் சாடுவது,வெறுப்பதையும் வேலையாக கொண்டு திரியாதீங்க..முதல்ல நீங்க சார்ந்து இருக்கும் மார்க்கத்த முழுமையா தெரிஞ்சுகொங்க.....

"உங்கள் மார்க்கம் உங்களுக்கு,எங்கள் மார்க்கம் எங்களுக்கு"  இந்த ஒரு வசனம் போதாதா,நீங்க புரிஞ்சுக்க????????????

இது எனது வளைபூவிலும் பதியப்பட்டுள்ளது.ரஹமத்துல்லாஹ்,அங்கேயும் பதில் தரலாம்...

நன்றி

ரஜின்

http://sunmarkam.blogspot.com/